Likas na Ganda Ng PILIPINAS

Likas na Ganda 

Ng PILIPINAS

Maraming magagandang tanawin ang makikita sa ating bayan.

Alam nyo ba kung ano-ano ang mga ito?

Halina at ating tuklasin ang mga natatagong ganda ng ating bayang sinilangan

1. Banaue Rice Terrace o Hagdan-hagdang Palayan

Ang kasaysayan ng Banaue Rice Terrace ay pinaniniwalaang nililok noong 2,00 o 3,000 taon ng nakalilipas. Ang mmga sinaunang katutubong Ifugao ay hindi umano gumamit ng kahit na anumang makinarya sa pagdidisenyo nito. Gayumpaman, kamangha-mangha ang kagandahannito. Pinapatubig ito sa pamamagitan ng isang sinaunang sistemang  patubig mula sa mga kagubatan sa itaas ng mga palayan.

    Noong 1995 dineklara ito ng UNESCO bilang isa sa mga World’s Heritage Site. Ayon saUNESCO,ito ay isang gawangkamay na hindi mapantayan ang kagandahan (a living  cultural landscape of unparallel beauty). Kaya naman pinag-iingatan  ito  ng  ating  pamahalaan  upang ito ay masilayan ng mga susunod pang henerasyon.

Ang kahalagahan ng hagdan-hagdang palayan ay ang kaisa-isang istruktura sa Pilipinas na walang ipinapakitang impluwensya mula sa mga dayuhang  mananakop. Dahil sa masalimuot na topograpiya ng Cordillera, nahirapan ang mga dayuhan na makarating sa kanilang lugar. Ang mga tribong nakatira rito ay ilan sa mga kaunting   Pilipinong matagumpay na tumanggi sa dominasyon ng mga dayuhan at nagpakita ng kanilang sariling kultura at tradisyon.

     Masasabi ko na napaka suwerte ko sapagkat nasilayan ng aking dalawang mata ang kagandahan ng hagdanhagdang palayan noong May 2, 2009 kasama ko ang aking pamilya ng aming itong binisita. Ang mainit na pagtanggap ng mga Ifugao sa mga turista ay talaga naman  hindi ito mapapantayan. Sapagkat buong puso nilang pinapakita ang mayabong nilang tradisyon lalo na sa pagsasayaw at magtugtog gamit ang mga makalumang instumento.

2.  Chocolate Hills

Ang Chocolate Hills ay isang bulubundukin na matatagpuan sa Carmen Bohol. Meron itong 1,776 na burol. Ang Chocolate Hills ay nagiging kulay berde tuwing tag-ulan at nagiging kulay tsokolate naman tuwing tag-araw.

Meron ding Alamat ang Chocolate Hills na kung saan may dalawang higante na nag-aaway at naghahagis sila ng malalaking bato at buhangin sa isa’t isa. Ang kanilang paglalaban ay tumagal ng apat na araw. Dahil sa kanilang kapagudan nakalimutan nila ang kanilang alitan at naging magkaibigan. Ngunit nakalimutan nilang linisin ang kanilang mga kalat. Sa ganito nagkaroon ng mga burol.

Sikat bilang tourist attraction sa Pilipinas ang Chocolate Hills kaya naman naging 3rd National Geological Monument din ito at kinokonsidera na mapasama sa listahan ng mga 

lugar ng UNESCO World Heritage.

Kung gusto n’yong maglakabay sa Chocolate Hills, mayroong mga lugar na may “viewing descks” na matatanaw din ang asul na dagat sa pagitan ng Bohol at Cebu.

3. Bulkang Mayon

Matatagpuan sa lalawigan ng Albay ang Bulkang Mayon . Inihahambing ito sa Fuji ng  bansang Hapon dahil sa perpekto nitong hugis na tulad ng sa apa.

Ayon sa mga bulkanologo, isa itong stratovolcano o kompositong bulkan. Ang tila simetriko nito ay nabuo sa pamamagitan ng pagkapatong-patong ng mga daloy ng lahar at lava. Dahil umaabot ng halos 50 beses na ang mga pagsabog nito sa nakaraang 400 taon, itinuturing itong pinakaaktibong bulkan sa buong bansa.

Ang bulkang Mayon ay may 47 pagsabog sa kasaysayan; ang una ay sa taong 1616, ang pinakahuli ay may katamtamang pagbuga ng lava nuong June 2001. Ang pinakamalakas na pagsabog ng Bulkang Mayon ay noong 1 Pebrero 1814. Natabunan ng lava ang bayan ng  Cagsawa at may 1,200 taong namatay. 

Ang kampanaryo ng simbahan ng bayan ang nakikita nalamang sa ibabaw ng lupa. Ang maiinit na abo ang nakapatay sa 77 katao, karamihan magsasaka, sa huling malakas na pagsabog ng Mayon nuong 1993. Sa taong 1984, mahigit 73,000 katao ang pinaalis sa 'danger zones' ayon sa mga siyentipiko ng Philippine Institute of Volcanology and Seismology, wala namang naiulat na namatay.

4. Lawa ng Taal

Ang Lawa ng Taal ay isang lawang tubig-tabang sa lalawigan ng Batangas sa pulo ng Luzon. Ang lawa ay nasa isang caldera na nabuo ng napalaking mga pagputok sa pagitan ng 500,000 at 100,000 taong nakararaan. At ang bulkan sa gitna ng Lawa ngTaal ay ang pinakamaliit na bulkan sa buong mundo.

 Ito ang pangatlong pinakamalaking lawa sa Pilipinas ang pinakamalaki ay ang Lawa ng Laguna. Kapag kame ay nagpupunta sa Batangas madalas namin madaanan ang Lawa ng Taal at aming nasisilayan ang ganda ng Bulkan na kamangha-mangha sapagkat ang bulkan ay napapagitnaan ng Lawa kapagkatapos sa bunganga naman  ng bulkan ay mayroon ulit na maliit na lawa.

Maraming pangingisda ang nabubuhay sa Lawa ng Taal sapagkat hitik ito ng mga isda,  tahong at hipon na kung saan sila ang nagbabagsak mga palengkesa Metro Manila at  karatig bayan. Ito ay pinapangalagaan mabuti ng lokal na pamahalaan upang ito ay hindi  abosuhin ng mga tao.

5. Hundred Island

Ang Hundred Islands National Park  ay matatagpuan sa Alaminos Pangasinan.  Ang Hundred Island ay may kabuoang 124 na mga pulo na kung minsan ay nadadagdagan kung mababa ang lebel ng tubig sa dagat. 

Ito ay isang destinasyon na madalas dinarayo sapagkat maraming aktibidad ang  maaring gawin. May tatlong isla ang sadyang ginawa para sa mga gustong magbakasyon at masilayan ang ganda ng Hundred Island ito ang Quezon Island, Governor Island at Children’s  Island.

Kami ay madalas din pumasyal sa Pangasinan sumasay kami maliit na bangka upang  libutin ang mga pulo nito at naranasan ko din na sumakay sa Banana Boat na sa Hundred Island ko pa lang nasusubukan atpagkatapos namin magsaya bago umuwi sa Bulacan kami ay nagpupunta sa Manaog Church upang magpasamalat sa mga biyayang aming natatangap mula sa Maykapal. Sikat din ang lugar ng Pangasinan sa mga pagkain tulad ng tobig at bagoong. 

6. Puerto Prinsesa Underground River

Ang Puerto Princesa undergound River ay matatagpuan Palawan.  Ito ay pinapangalagan ng pamahalan noon pang 1992. Maari kang mag arkila ng mga maliliit na bangka sa Bayan ng Sabang upang libutin ang Ilog.

Noong 2010 mayroong grupo ng mga environmentalists at geologists ang sumuri sa Ilog. Mayroon silang nakitang waterfalls sa loob ng kweba. Sinukat din nila ang lalim ng ilog na tinatayang 300 m ang lalim nito, marami ding iba’t ibang uri ng mga bato ang makikita sa loob ng kweba at mga malalaking maniki, marami ding iba’t ibang uri ng isda, at amang dagat ang kanilang nakita. Noong sinubukan nila itong sisidin sila ay nabigo sapagkat hindi kinaya ng mga tangke na kanilang dala ang lalim ng ilog.

Noong Enero 28, 2012 ang Puerto Prinsesa Underground River ay napili bilang isa sa Pitong Pinakamagandang Lugar sa Buong Mundo. 

Isa ang Puerto Prinsesa sa mga lugar na nais kung mapuntahan at pangarap kung marating. Upang magkaroon ako ng karanasan na aking maibabahagi at maipagmamalaki. 

Lagi nating tandaan na huwag

maging dayuhan sa sariling BANSA

Na ang PILIPINAS ay lugar na

biniyayaan ng Maykapal :)